చరమాంకం

గొంతు తీగె తెగిపోయినప్పుడు

కరచాలనంలో విషాద స్తబ్దత

పరామర్శలో పలకరింపులో నిశ్శబ్దం!

కాలం కనికరించదు

మృత్యువు పగనెవడూ తప్పించుకోలేడు

ఆగిన గుండె కదలిక మళ్ళీ కదల్దు

మరణం

పునరావృతమయ్యే స్వప్నం కాదు

ఊపిరి తెగిపోయే చరమాంకం

నెత్తురు గడ్డకట్టే దీనావస్థ...

శ్వాస ఆగినప్పుడూ

సమూహ దుఃఖం సముద్రాల్ని గడ్డ కట్టిస్తుంది

ఏడుపు శవయాత్రలో వెదజల్లబడుతున్న

స్మృతి పత్రాల వెనుక అగ్నిని దహించే విషాదం

ఆకు రాలాల్సిందే...

ప్రవహించే వర్తమానంలో వెంటాడే మృత్యువు అనివార్యం

చావు చచ్చాక రాదు

మరణం మళ్ళీ మళ్ళీ పొందే అనుభూతి కాదు.