మౌనప్రవాహం

రంపం పొట్టులా

క్షణాలు రాలిపోయే వేళ...

నేను

నిశ్శబ్దంగా విస్తరించుకుంటాను

జ్ఞాపకాలు కెరటాలై

ఒడ్డును ఢీకొన్నప్పుడల్లా

హృదయం చెదిరిపోతూనే ఉంటుంది

రెప్పల మధ్య

ఆశల్ని దాచాలనే ప్రయత్నం

ఎప్పుడూ

నీటి మీద గీసిన గీతే!

అవునూ...?

ఆకురాలిన చెట్టును అసహ్యించుకుంటూ

పక్షులు వలస వెళ్ళిపోతున్నాయేంటి?

ఎండిపోతున్న చెరువుకు భయపడి

చేపలు బిత్తరపోతున్నాయేంటి ?

వసంతమూ -

వర్షమూ -

ఎటు తప్పిపోయాయి !

ఇక్కడ స్వప్నలన్నీ

ఏ మౌన ప్రవాహంలో పడి

కొట్టుకుపోయాయి...?!