చెరిగిపోతున్న బాల్యం

యవ్వనం


విశృంఖలంగా పడగెత్తితే


జివితానికి కాటు తగుల్తుంది


ఇప్పుడు


బాల్యం చూపుల్లో


శృంగారం కాపురముంటోంది


గోడమీది వాల్‌పోస్టర్


ఇంటి పర్యావరణాన్ని మారుస్తోంది


సమాజ సంసారిక జీవనంలో


డైవోర్స్‌ల అడ్రసులే ఎక్కువ.


అనుమానపు పొరల్లోంచి


జీవితాలు తెగిపోతున్నాయి


ఒత్తు తేడా పడితే


జీవితం తిరగబడుతుంది


బతుకంటే


కొమ్మలా వూగడం కాదు


చెట్టులా నిలబడటం


నూరేళ్ళ జీవితాన్ని


వెలిగించుకోవడం కోసం


బాల్యాన్ని కొవ్వొత్తిని చేయకండి!


పండు వెన్నెల ముఖమ్మీద


నీలి చిత్రాల్ని ముద్రించకండి!


లేత గుండెల్లో నిప్పు రగిలించి


మొగ్గలోనే వాటి భవిష్యత్తును తుంచేయకండి !




***